ԵԽԽՎ համազեկուցողները Բերձորի ճգնաժամին ծանոթանալու նպատակով ՀՀ-ում են

ԵԽԽՎ

Լաչինի միջանցքի [Բերձորի միջանցք] ճգնաժամին տեղում ծանոթանալու նպատակով Հայաստան են ժամանել ԵԽԽՎ համազեկուցողներ ԵԽԽՎ Մոնիտորինգի հանձնաժողովի Հայաստանի հարցերով համազեկուցողներ Կիմո Կիլյունենն ու Բորիանա Աբերգը։ Այդ մասին հայտնում են ՀՀ ԱԺ մամուլի ծառայությունից` հավելելով, որ համազեկուցողներին այսօր ընդունել է ՀՀ Ազգային ժողովի նախագահ Ալեն Սիմոնյանը։

Ըստ հաղորդագրության` ԱԺ նախագահն ընդգծել է Հայաստանում հանգրվանած արցախցիների հետ հանդիպման անհրաժեշտությունը:

Նա կարևորել է հանձնաժողովի կողմից նախապատրաստվող «Լաչինի միջանցքի [Բերձորի միջանցք] շրջափակման հումանիտար հետևանքները» վերտառությամբ զեկույցը:

Հանդիպմանը մանրամասներ են ներկայացվել Լաչինի միջանցքի [Բերձորի միջանցք] ճգնաժամի և դրա հետևանքների մասին:

Համազեկուցողները նախատեսում են այցելել սահմանամերձ մարզեր։

Հավելենք նաև, որ այսօր Ադրբեջանի Միլի Մեջլիսի նիստում խորհրդարանի խոսնակ Սահիբա Գաֆարովան հայտարարել է, որ «Եվրոպայից հայ-ադրբեջանական սահման դիտորդական առաքելություն ուղարկելը կարող է խոչընդոտել կարգավորման գործընթացին»։

Դիտումների քանակը: 3736
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին