Սեպտեմբերի 2-ից 8-ն ընկած ժամանակահատվածում Ռուսաստանի Օրենբուրգ քաղաքում տեղի է ունենալու «Եվրասիա Գլոբալ» — 2020 միջազգային երիտասարդական կրթական ֆորումը, որին կարող են մասնակցել 18-30 տարեկան բոլոր երիտասարդները:
Ֆորումի հիմնական նպատակներն են.
- համատեղ նախագծերի մշակում ՝ ռուս և արտասահմանցի երիտասարդների մասնակցությամբ,
- Ռուսաստանի և արտասահմանյան երկրների երիտասարդների միջև բարեկամական և մասնագիտական կապերի ամրապնդում,
- Ռուսաստանի և արտասահմանյան երիտասարդական ասոցիացիաների միջև փոխգործակցության լավագույն փորձի ուսումնասիրություն:
Ֆորումի կրթական ծրագիրն անց է կացվելու հետևյալ ուղղություններով՝ «Նոր հորիզոններ», «Եվրասիան՝ իրադարձությունների կենտրոն», «Գլոբալ մարտահրավերներ», «Նոր հնարավորություններ», «Ռուսաստանը՝ աշխարհի համար», «Ստեղծում ենք ապագան միասին»: - Այս տարի ֆորումի նպատակն է միավորել ոչ միայն եվրասիական երկրների, այլ նաև ամբողջ աշխարհի երիտասարդությանը: Այն կայուն հարթակ է, որտեղ ստեղծված են պայմաններ բոլոր երկրների երիտասարդական կազմակերպությունների կամ անհատ քաղաքացիների երկխոսության համար՝ ուղղված արտասահմանցի ռուսախոս քաղաքացիների համագործակցմանը:
Ֆորումի աշխատանքային լեզուներն են ռուսերենը և անգլերենը:
Մասնակցության համար հայտը անհրաժեշտ է լրացնել առցանց տարբերակով https://myrosmol.ru/measures/view/46042 կայքում:
Ֆորումը հնարավոր է անցկացվի նաև առցանց տարբերակով:
Թողնել պատասխան