Եվրոպան պետք է դերակատարություն ստանձնի Հայաստանի և Ադրբեջանի միջև վստահության կառուցման գործում. Լիտվայի ԱԳ նախարար

gabrielius_landsbergis_1lurer_am.jpeg

ԵՄ-ն այն աշխարհաքաղաքական ուժն է, որը կարող է կարևոր առաքելություն ունենալ Հարավային Կովկասի տարածաշրջանում՝ ապահովելու կայունություն, ժողովրդավարություն և բարեփոխումներ, որոնք կօգնեն պետություններին՝ դեպի եվրոպական արժեքներ իրենց ձգտումներում: Այդ մասին Թբիլիսիում ԵՄ պատվիրակության գրասենյակում կայացած ասուլիսի ժամանակ հայտարարել է Լիտվայի արտաքին գործերի նախարար Գաբրիելիուս Լանդսբերգիսը:

Նրա համոզմամբ՝ կայունության ու կանխատեսելիության կարիքը տարածաշրջանը շատ ունի: «Այցը լավ առիթ էր լսելու կողմերի կարծիքը՝ ինչպես կարող է Եվրամիությունն ավելի ներգրավված լինել: Հայաստանին և Ադրբեջանին պետք է օգնենք վստահության կառուցման հարցում»,-համոզմունք է հայտնել Լանդսբերգիսը:

Նա հույս է հայտնել, որ վերջերս նաև Եվրամիության ու Վրաստանի ղեկավարության դերակատարությամբ իրականացված հայ գերիների վերադարձը և ականապատված տարածքների քարտեզների՝ Ադրբեջանին տրամադրումը կարող է շարունակություն ունենալ:

«Ժամանակն է խոսելու Եվրամիության դերակատարության մասին՝ ողջ տարածաշրջանում կապեր ստեղծելու իմաստով՝ կլինի ճանապարհների միջոցով թե այլ ենթակառուցվածքներով՝ գազամատակարարում, էլեկտրամատակարարում: Միությունը գիտի՝ ինչպես պետք է դա անել»,- նշել է Լիտվայի արտաքին գործերի նախարարը:

Դիտումների քանակը: 3649
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին