Հայաստանի Ազգային ժողովի արտահերթ նիստի ընթացքում փոխվարչապետ և արտակարգ դրության պարետ Տիգրան Ավինյանը հայտնեց, որ Հայաստանի հետ օդային հաղորդակցությունը վերականգնվում է։
Ըստ Տիգրան Ավինյանի՝ մայիսի 15-ից Ռուսաստանից Հայաստան կանոնավոր թռիչքներ կլինեն յուրաքանչյուր երկու օրը մեկ, ինչը թույլ կտա մեր քաղաքացիներին վերադառնալ հայրենիք: Բոլոր վերադարձողները պետք է պահպանեն ինքնամեկուսացման խիստ ռեժիմ։
«Ես “WizzAir” ավիաընկերության ղեկավարության հետ քննարկել եմ չվերթները վերսկսելու հնարավորությունը: Իհարկե, ամեն ինչ կախված է համաճարակաբանական իրավիճակից, բայց մենք պայմանավորվեցինք, որ ցածր գին ունեցող ավիաընկերությունը կվերսկսի թռիչքները հունիսի կեսերին», — ասաց նա:
Ինչ վերաբերվում է ցամաքային սահմանների բացման ժամկետներին, ապա դրանց վերաբերյալ որոշումներ չկան: Այս հարցը, ըստ Ավինյանի, դեռ չի քննարկվել:
Թողնել պատասխան