Ռուսաստանի Դաշնության օմբուդսմեն Տատյանա Մոսկալկովան հայտարարել է արտասահմանյան դպրոցներում ռուսերենի դասավանդման կրճատումը խախտում է ռուսալեզու բնակչության իրավունքները:
“Հսկայական խնդիրը պայմանավորված է մի շարք երկրներում ռուսերենի ուսուցումը սահմանափակելու հետ, և սա ռուսախոս բնակչության իրավունքների կոպիտ խախտում է: Դրանք Բալթյան երկրներ են, Հայաստանը, Ղրղըզստանը և շատ այլ պետություններ, որոնք այժմ կորցնում են իրենց երեխաներին ռուսերեն սովորեցնելու հնարավորությունը”,- հայտարարել է Տատյանա Մոսկալկովան։
Օմբուդսմենը հավելեց, որ այսօր պետք է հաշվի առնել արտերկրում դեսպանատներում ռուսական դպրոցների ընդլայնման հնարավորությունը:
“Պետք է բարձրացնենք ռուսաց լեզվի ուսուցման պայքարի մակարդակը ոչ թե լեզվի համար, այլ հանուն այդ մարդկանց, ովքեր իրավունք ունեն պահպանելու իրենց մշակույթը, իրենց ռուսական ինքնությունը եւ ռուսերեն լեզվով կրթություն ստանալու հնարավորությունը”,- նշել է Տատյանա Մոսկալկովան։
Новости-Армения
Թողնել պատասխան