Հայաստանի գյուղատնտեսության նախարարի պաշտոնակատար Գեղամ Գևորգյանը հոկտեմբերի 27-ին ընդունել է հայազգի ամերիկացի գործարար Մայք Բադալյանին:
Գործարարը շահագրգռված է Հայաստանում գյուղատնտեսության ոլորտում ներդրումների իրականացման հեռանկարով:
Այս մասին հայտնում է ՀՀ գյուղատնտեսության նախարարության տեղեկատվության և հասարակայնության հետ կապերի բաժինը:
Հանդիպման սկզբում գործարարը տեղեկացրեց, որ ներկայումս Արցախում ակտիվ զբաղվում է գինեգործությամբ։ Զբաղվում է “Արբա” գինիների արտադրությամբ, ինչպես նաև մտադիր է զբաղվել այգեգործությամբ Հայաստանում:
Բացի այդ, Մայք Բադալյանը, Լիբանանի իր գործընկերոջ հետ միասին, մտադիր է կազմակերպել հայկական գյուղմթերքների արտահանումը, մասնավորապես`ձկնամթերքը, դեպի Լիբանան:
Ծանոթանալով հյուրի ցանկությանը՝ ընկուզենու այգիներ տնկել, նախարարի պաշտոնակատարը նշել է, որ նման նախաձեռնություն արդեն գոյություն ունի Կոտայքի մարզի Եգվարդ համայնքում և այդ պեկան ընկույզի այգիները հայ-լիբանանյան համագործակցության լավագույն օրինակն են հանդիսանում:
news.am
Թողնել պատասխան