Նոյեմբերի 3-ին ԱՀ Մարտունու շրջանի Կաղարծի համայնքի տարածքում հրդեհ էր բռնկվել: ԱՀ ՆԳՆ ԱԻՊ ծառայության փոխանցմամբ այրվել է բնակելի տուն, որի ներսում գտնվում էր տարեց կին:
«Բնակչությանն օգնելու և հրդեհը մեկուսացնելու նպատակով անմիջապես կանչի վայր է մեկնել Մարտունու շրջանային արտակարգ իրավիճակների բաժնի հրշեջ փրկարարական մասի 2 մարտական հաշվարկ: Հրդեհաշիջմանն օգնել են Կաղարծի համայնքից 5 բնակիչ: Հրդեհը մեկուսացվել է ժամը 22:50-ին, մարվել` ժամը 00:30-ին»,- նշված է ծառայության տարածած հաղորդագրության մեջ։
Համաձայն աղբյուրի այրվել է Մարտունու շրջանի Կաղարծի համայնքի բնակիչ Նորա Գարեգինի Գասպարյանին պատկանող երկհարկանի բնակելի տունը լրիվությամբ, որի ներսում հայտնաբերվել է վերջինիս դին:
Դեպքի առթի ԱՀ ՔԿ տարածքային քննչական վարչությունում ԱՀ քրեական օրենսգրքի 191-րդ հոդվածի 3-րդ մասի 2-րդ կետով հարուցվել և վարույթ է ընդունվել քրեական գործը:
ԱՀ Քնչական կոմիտեն հայտնում է, որ դեռևս չպարզված հանգամանքներում, անհայտ անձի /անձանց/ կողմից դիտավորությամբ ԱՀ Մարտունու շրջանի Կաղարծի համայնքում տեղակայված, նույն համայնքի բնակիչ Նորա Գարեգինի Գասպարյանին պատկանող առանձնատունը հրկիզվել է։ Նախաքննությունը շարունակվում է։
Թողնել պատասխան