Խաչանովն ի աջակցություն Արցախի բարեգործական ակցիայի է մասնակցել

Խաչանով (2)

Ռուսաստանի դրոշի ներքո հանդես եկող ազգությամբ հայ թենիսիտ Կարեն Խաչանովն ԱՄՆ-ի Բրբանկ քաղաքում Արցախին նվիրված բարեգործական ակցիայի է մասնակցել: Այս մասին հայտնում են Հայ մարմնակրթական ընդհանուր միության Գլենդելի Արարատ մասնաճյուղի (Homenetmen Glendale Ararat) մամուլի ծառայությունից։

«Արարատ-Խաչանով» խորագրով դրամահավաքի շրջանակներում Կարեն Խաչանովը ցուցադրական խաղով է հանդես եկել: Հայ մարմնակրթական ընդհանուր միության Գլենդելի Արարատ մասնաճյուղն ակցիայի շրջանակներում իրականացված դրամահավաքը հաջողված է համարել՝ ընդգծելով, որ այն օգուտ կբերի Արցախին:

«Նման ծրագրերն ամրապնդում են մեր համայնքը, խրախուսում են մեր երիտասարդներին հնարավորությունների առկայության տեսանկյունից: Թենիսի չեմպիոն Կարեն Խաչանովի մասնակցությունը հաստատուն հետք թողեց բոլորի համար»,-նշել ՀՄԸՄ մասնաճյուղում:

Հիշեցնենք, որ Խաչանովն ամերիկացի Ֆրենսիս Տիաֆոյին հաղթելուց հետո տեսախցիկին գրել էր «Artsakh, stay strong» («Արցա՛խ, դիմացի՛ր»):

Դիտումների քանակը: 3700
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին