ՀՀ վարչապետ Նիկոլ Փաշինյանն աշխատանքային այցով մեկնել է Բրյուսել։ Այդ մասին հայտնում են ՀՀ կառավարության մամուլի ծառայությունից։
«Բրյուսելում այսօր նախատեսվում է Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը»,– նշում է ՀՀ կառավարության մամուլի ծառայությունը` հավելելով, որ Փաշինյանն առանձնազրույց կունենա Եվրոպական խորհրդի նախագահ Շառլ Միշելի հետ։
Ավելի վաղ ՀՀ անվտանգության խորհրդի քարտուղար Արմեն Գրիգորյանը ասել էր, որ Բրյուսելում ՀՀ վարչապետ Նիկոլ Փաշինյանի, ԵՄ խորհրդի նախագահ Շառլ Միշելի և Ադրբեջանի նախագահ Իլհամ Ալիևի եռակողմ հանդիպմանը որևէ փաստաթղթի ստորագրում չի նախատեսվում։
Հավելենք, որ ՀՀ ԱԳ նախարար Արարատ Միրզոյանն արդեն Բրյուսելում էր։
Հիշեցնենք, որ Բրյուսելում Փաշինյան-Միշել-Ալիև նախորդ եռակողմ հանդիպումն ապրիլի 6-ին էր:
Թողնել պատասխան