Վլադիմիր Պուտինը Ֆրանսիայի առաջնորդ Էմանյուել Մակրոնի հետ հեռախոսազրույց է ունեցել, որի ժամանակ քննարկվել է վաղը Մոսկվայում կայանալիք եռակողմ` ռուս-հայ-ադրբեջանական բանակցություններին վերաբերող մի շարք հարցեր։ Այս մասին տեղեկացնում է Ռուսաստանի նախագահի մամուլի ծառայությունը։
Հաղորդագրության համաձայն` Ռուսաստանի և Ֆրանսիայի նախագահների հեռախոսազրույցը կայացել է «ԵԱՀԿ Մինսկի խմբի համանախագահների գործողությունների համակարգման շրջանակներում»։
Ֆրանսիայի նախագահն ողջյունել է Ռուսաստանի ջանքերը ՝ ուղղված Լեռնային Ղարաբաղի հակամարտության կարգավորմանը։ Զրույցի ժամանակ ընդգծվել է մարտական գործողություններից տուժած բնակչությանը մարդասիրական օգնության անհետաձգելի ցուցաբերման կարևորությունը։
Թողնել պատասխան