Արցախի Հանրապետության Ազգային ժողովի արտահերթ նիստում Արցախի նախագահ է ընտրվել Անվտանգության խորհրդի նախկին քարտուղար Սամվել Շահրամանյանը։ Այդ մասին հայտնում են ԱՀ ԱԺ մամուլի ծառայությունից։
Փակ գաղտնի քվեարկությամբ նրա թեկնածությանը կողմ են քվեարկել 22 պատգամավոր, դեմ՝ 1-ը։
Քիչ առաջ ԱՀ ԱԺ-ն հրապարակել է հատուկ նիստում խորհրդարանի Հանրապետության նախագահի ընտրության վերաբերյալ որոշումը։
«Ղեկավարվելով Արցախի Հանրապետության Սահմանադրության 168.1-ին և «Ազգային ժողովի կանոնակարգ» օրենքի 149.1-ին հոդվածներով Արցախի Հանրապետության Ազգային ժողովը ո ր ո շ ու մ է.
Սամվել Սերգեյի Շահրամանյանին ընտրել Արցախի Հանրապետության նախագահ»:
Թողնել պատասխան