Արցախի Հանրապետության պետական նախարար է նշանակվել Անվտանգության խորհրդի քարտուղար Սամվել Սերգեյի Շահրամանյանը, որին տրվել են լայն լիազորություններ: Այդ մասին ֆեյսբուքյան իր էջում գրել է Արայիկ Հարությունյանը:
«Սամվել Շահրամանյանի ընտրությունը կատարելիս հաշվի եմ առել նրա սկզբունքայնությունը, ճկունությունը, տարբեր պատասխանատու դիրքերում նրա աշխատանքային փորձը և կուտակած գիտելիքները, որոնք անմիջականորեն առնչվում են թե՛ ազգային անվտանգությանը և թե՛ պետական կառավարմանը»,- գրել է Արայիկ Հարությունյանը:
Նախքան այդ Արցախի նախագահի հրամանագրով ԱՀ պետական նախարար Գուրգեն Ներսիսյանն ազատվել է զբաղեցրած պաշտոնից:
Արայիկ Հարությունյանը հայտնել էր նաև, որ վաղն Արցախի Հանրապետության ժողովրդին ու Ազգային ժողովին է ներկայացնելու Արցախի Հանրապետության նախագահի պաշտոնից իր հրաժարականի դիմումը։
Հիշեցնենք, որ Արցախի Հանրապետությունում նախագահական ընտրությունները կայացել են 2020 թվականի գարնանը։
Հավելենք նաև, որ Արայիկ Հարությունյանը 2017-2018 թվականներին եղել է Արցախի պետնախարար։
Եվ վերջապես Արայիկ Հարությունյանը 2007-2017 թվականներին զբաղեցնում էր ԱՀ վարչապետի պաշտոնը։
Թողնել պատասխան