Սեպտեմբերի 1-ին Ստեփանակերտի Վերածննդի հրապարակում կթևածի մաեստրո Մանսուրյանի անզուգական մեղեդին:
ԱՀ մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը հանդիպել է Երևանի փոխքաղաքապետ Տիգրան Վիրաբյանի հետ եւ քննարկել Արցախում Տիգրան Մանսուրյանի 80 ամյակին նվիրված երկու համերգների նախապատրաստական աշխատանքների ընթացքը:
«Մաեստրոի համերգաշարը որոշեցինք սկսել հենց Արցախից՝ հաշվի առնելով նրա անհատակ սերը արցախցիների հանդեպ, որը փոխադարձ է: Ամեն բան պատրաստ է, համոզված ենք՝ հրաշալի համերգներ են սպասվում»,- նշեց փոխքաղաքապետ Տ. Վիրաբյանը:
Նախարարի խոսքով. «Նման միջոցառումները մշակութային դաշտը զարգացնելու լավագույն ճանապարհն ու մեր միասնականության դրսեւորման հավաստիքն են: Խորհրդանշական է , որ «Երևանի օրերն Արցախում» նախագիծը մեկնարկում է հենց մանսուրյանական շնչով: Արցախցիներն անհամբեր սպասում են այս մշակութային իրադարձությանը»:
Համերգաշարը կազմակերպվելու է Երեւանի քաղաքապետարանի նախաձեռնությամբ եւ ՀՀ եւ ԱՀ ԿԳՍ նախարարությունների աջակցությամբ:
Հանդիպմանը քննարկվեցին նաև 2020 թվականին Երևանում արցախյան մշակութային օրեր անցկացնելու ընդհանուր հարցեր:
Թողնել պատասխան