Ստեփանակերտի մշակույթի տան «Թեոդեմ-Արցախ» պարի համույթը Վրաստանի Հանրապետության Բաթում քաղաքում կայացած «Wonderland» և «New Life» միջազգային մրցույթ-փառատոնի «Ժողովրդական ոճավորում» անվանակարգում զբաղեցրել է պատվավոր 1-ին հորիզոնականը։
«Թեոդեմ-Արցախ» համույթի ղեկավար Ինգա Սեյրանյան շեշտել է, որ մրցույթին մասնակցելը խմբի համար շատ կարևոր էր։ Դեռևս 2019թ. նրանց հաջողվել է Երևանում մասնակցել GlobalFest միջազգային փառատոն-մրցույթին, որտեղ ժամանակակից պարերի անվանակարգում զբաղեցրել են 3-րդ հորիզոնականը։ Այնուհետև մասնակցել են Ստեփանակերտի «Վերածնունդ» մրցույթին։
«Համավարակից և հատկապես պատերազմից հետո այս մրցույթը կարծես թարմ օդ ու շունչ լիներ, ուստի, միանշանակ, որոշեցինք մասնակցել։ Մեր խմբում ընդգրկված էին 11-12 տարեկան երեխաներ։ Փաստորեն, արդարացրել ենք մեր ճամփորդության նպատակը»,- ըստ աղբյուրի նշել է «Թեոդեմ-Արցախ» համույթի ղեկավար Ինգա Սեյրանյանը՝ հավելելով, որ խորեոգրաֆիան գնահատել է Խորվաթիայի ժյուրին, որը հրավիրել է խմբին մասնակցելու Խորվաթիայի Նովալիա կղզում սեպտեմբերին կայանալիք մրցույթին:
Մրցույթին մասնակցել են 8 երկիր՝ Հայաստան, Վրաստան, Ղազախստան, Ռուսաստան, Բելառուս, Թուրքիա, Իսրայել, Ադրբեջան։
Թողնել պատասխան