Մարտունիում թշնամու ռմբակոծությունից վիրավորված «Le Monde» պարբերականի 2 թղթակիցը տեղափոխվել են Երևան՝ «Էրեբունի» բժշկական կենտրոն։ Այս մասին հայտնել է Էրեբունի ԲԿ-ի խոսնակ Շուշան Հունանյանը:
«Այստեղ նրանք ստացել են անհրաժեշտ բուժօգնություն, և շուտով նրանց կտեղափոխեն Ֆրանսիա»,- նշեց Հունանյանը:
Արցախի Մարտունի քաղաքի քաղաքապետարանի շենքում հոկտեմբերի 1-ին ադրբեջանական Զինուժի կողմից թիրախավորվել է լրագրողների խումբը: Հրետակոծության հետևանքով վիրավորում են ստացել ֆրանսիական Le Monde պարբերականի երկու լրագրողները, նախնական տվյալներով Ֆրանսիայի քաղաքացի, Հայաստանի «Արմենիա» հեռուստաընկերության օպերատոր Արամ Գրիգորյանը և 24news-ի լրագրող Սևակ Վարդումյանը: Ռուսական «Дождь» հեռուստաընկերության գլխավոր խմբագրի տեղակալ Դմիտրի Ելովսկին այժմ գտնվում է ռմբապաստարանում, թիրախավորվել էր նաև Agence France-Presse գործակալության լրագրողների մեքենան:
Թողնել պատասխան