Թուրքիան պատրաստ է բացել Հայաստանի հետ սահմանները։ Այդ մասին թուրքական լրատվամիջոցների փոխանցմամբ Կարսում իր հանդիպումների ժամանակ հայտարարել է Թուրքիայի առևտրի նախարար Մեհմեդ Մուշը։
Վերջինս հայտնել է, որ այս հարցը կախված Հայաստանի և Ադրբեջանի միջև հարաբերությունների կարգավորումից։
«Եթե քաղաքական կայունություն ձեռք բերվի, Կարսում սահմանային անցումները կբացվեն։ Արդյունքում` երկկողմ առևտրաշրջանառությունը կավելանա»,- նշել է նա` հավելելով, որ Թուրքիան պատրաստ է սեղմ ժամկետներում վերականգնել բոլոր ենթակառուցվածքները և հայ-թուրքական սահմանին նոր անցակետեր բացել։
Այսօր հայ-թուրքկան հարաբերություններից խոսել էր նաև Թուրքիայի պաշտպանության նախարար Հուլուսի Աքարը։ Նա նշել էր, որ Հայաստանը պետք է սեղմի խաղաղության ձեռքը, որը նրան մեկնել է Իլհամ Ալիևն ու իրենց նախագահը։ Եվ որ «Զանգեզուրի միջանցքը» և դրանով անցնող երկաթուղիներն ու մայրուղիները շատ արժեքավոր են տարածաշրջանի տնտեսական, սոցիալական կյանքի և անվտանգության համար։
Թողնել պատասխան