Վաղարշակ Հարությունյանը նշանակվել է Ռուսաստանում Հայաստանի դեսպան: ՀՀ նախագահի հրամանագիրը հրապարակված է նախագահականի պաշտոնական կայքէջում:
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի 1-ին մասի` Վաղարշակ Հարությունյանին նշանակել Ռուսաստանի Դաշնությունում Հայաստանի Հանրապետության արտակարգ և լիազոր դեսպան»,– նշված է ՀՀ նախագահ Արմեն Սարգսյանի հրամանագրում։
Մեկ այլ հրամանագրով` Վարդան Տողանյանը հետ է կանչվել Ռուսաստանում դեսպանի պաշտոնից:
Հիշեցնենք, որ Վաղարշակ Հարությունյանը 2020թ. նոյեմբերի 20-ին նշանակվել էր Հայաստանի պաշտպանության նախարար, իսկ 2021-ի հուլիսի 20-ին հրաժարական էր ներկայացրել և ազատվել զբաղեցրած պաշտոնից։
Թողնել պատասխան