Հայաստանի հանրապետության փոխարտգործնախարար Վահե Գևորգյանը և Ռուսաստանի փոխարտգործնախարար Միխայիլ Գալուզինը քննարկել են Երևանի և Բաքվի հարաբերությունների կարգավորմանն ուղղված ջանքերի ակտիվացումը։ Այդ մասին հայտնել են Ռուսաստանի Դաշնության ԱԳՆ մամուլի ծառայությունից:
«Մտքերի մանրամասն փոխանակում է տեղի ունեցել Լաչինի միջանցքում [Բերձորի միջանցք] և ընդհանրապես Լեռնային Ղարաբաղի շուրջ ստեղծված իրավիճակի շուրջ։ Վերլուծվել է Հայաստանի և Ադրբեջանի միջև խաղաղության պայմանագրի նախագծի շուրջ աշխատանքի ընթացքը։ Նշվել է հայ-ադրբեջանական կարգավորման բոլոր ուղղություններով ջանքերի ակտիվացման անհրաժեշտությունը՝ 2020-2022թթ բարձր մակարդակով եռակողմ պայմանավորվածություններին համապատասխան»,- նշված է ՌԴ արտաքին գերատեսչության տարածած հայտարարության մեջ։
Համաձայն աղբյուրի, անդրադարձ է կատարվել ընդհանուր ինտեգրացիոն ասոցիացիաներում՝ ԱՊՀ, ԵԱՏՄ և ՀԱՊԿ, Ռուսաստանի և Հայաստանի համագործակցության հարցերին։
Թողնել պատասխան