Փրկարարները մայիսի 3-ի առավոտյան ավարտեցին որոնողական աշխատանքները՝ մի քաղաքացու, ով ենթադրաբար, մեկ շաբաթ առաջ խեղդվել է Սևանա լճում:
Ըստ Արտակարգ իրավիճակների նախարարության կայքի՝ ապրիլի 27-ի առավոտյան Ճգնաժամային արձագանքման ազգային կենտրոնում ահազանգ է ստացվել, որ Սևանի թերակղզու մերձակայքում հայտնաբերվել են անհայտ կորած քաղաքացու մեքենա և հագուստ. որոնողական գործողություններ իրականացնելու համար անհրաժեշտ է փրկարարների օգնությունը:
Դեպքի վայր են մեկնել ջրասուզակ-փրկարարների երկու մարտական հաշվարկ: Պարզվել է, որ մեքենան և իրերը պատկանում են Աբովյան քաղաքի բնակիչ Վոլոդյա Վ.-ին, որը ծնվել է 1988 թ.
Ապրիլի 29-ից մայիսի 2-ը, փրկարարների ջոկատը որոնողական աշխատանքներ է իրականացրել “Իններորդ ալիք” լողափի տարածքում, սակայն անօգուտ: Խեղդված քաղաքացին չի գտնվել, որոնողական աշխատանքները դադարեցվել են կիրակի, ժամը 10.00-ին:
newsarmenia.am
Թողնել պատասխան