Ասիայի առաջնության նախօրեին Ծանրամարտի միջազգային ֆեդերացիայի (IWF) նախագահ Մոհամմեդ Ջալուդը ասաց, որ ծանրորդներն այլևս չեն կարողանա ամբիոն բարձրացնել իրենց երկրի դրոշը։ Այդ մասին հայտնում է Inside the Games կայքը` հղում կատարելով Մոհամմեդ Ջալուդի հայտարարությանը։
Սույն թվականի ապրիլին Հայաստանի մայրաքաղաք Երևանում կայանալիք Եվրոպայի առաջնության բացման արարողության ժամանակ դրոշի այրման միջադեպը և անցյալ տարի ամբիոնում վիճահարույց միջադեպը դրդեցին որոշումը, ասել է Ծանրամարտի միջազգային ֆեդերացիայի (IWF) նախագահ Մուհամեդ Ջալուդը:
«Մենք սպորտ ենք, մենք ներկայացնում ենք խաղաղություն, այլ ոչ թե կռիվ և վեճեր այն մասին, թե ով է լավագույնը»,- հայտարարել է Ջալուդը Հարավային Կորեայում ընթացող ծանրամարտի Ասիական ֆեդերացիայի կոնգրեսում:
Ջալուդն ասաց, որ անցած շաբաթ քննարկել է իրավիճակը IWF-ի գլխավոր քարտուղար Անտոնիո Ուրսոյի և Տեխնիկական կոմիտեի նախագահ Սեմ Կոֆայի հետ, նախքան կոմիտեն համաձայնեցրել է արգելքը:
«Երևանում տեղի ունեցածը հաշվի է առնվել, երբ մենք խոսում էինք այս մասին»,- հավելել է Ջալուդը։
Անդրադառնալով անցյալ տարի Ալբանիայում կայացած Եվրոպայի պատանեկան առաջնությունում հայ ոսկե մեդալակիր Գարիկ Կարապետյանի հանդեպ թուրք մարզիկ Էմրե Օզթուրքի անհարգալից վերաբերմունքին՝ նա նշեց. «Մենք չենք ցանկանում, որ մարզիկները փոքր ամբիոնով փորձեն միմյանց դիմաց հրել իրենց դրոշները. սա սպորտ չէ»:
Նրա խոսքով՝ արգելքը պաշտոնապես կընդունվի ֆեդերացիայի գործադիր խորհրդի առաջիկա նիստում: Դրոշները կցուցադրվեն մրցանակաբաշխության ժամանակ, բայց էկրանին` պատկերների տեսքով, այլ ոչ թե մարզիկների ձեռքում:
Ամփոփելով իր նյութը` աղբյուրը նշում է. «Մինչ Ադրբեջանի հավաքականը կառավարության հրահանգով տուն թռավ, Թուրքիան մնաց, իսկ նրանց ֆեդերացիայի նախագահ Թալաթ Ունլուն գովեց տանտերերին հաջող առաջնություն կազմակերպելու համար»:
Թողնել պատասխան