Հունվարի 17-ին, Արթիկի (Շիրակի մարզ) ծննդատանը, ծնվել են 2017 թ. մայիսի 20-ին Թալիշում (Արցախ) զոհված Կարեն Դանիելյանի երկվորյակ եղբայրները:
Այս ուրախ լուրի մասին հայտնի դարձավ Արթիկի ծննդատան մամլո ծառայության ֆեյսբուքյան էջում հրապարակված հաղորդագրությունից:
Կարեն Դանիելյանի եւ նորածին երկվորյակների 40-ամյա մայրը Թինա Թորոսյանը տարերքի մեջ է։
“Թող Աստված օրհնի, որ մանուկները մեծանան և դառնան տղամարդ, ու ծառայեն հայրենիքին, բայց վերադառնան առողջ իրենց ծնողներին: Առաջին լույս աշխարհ եկող մանկան անունը մոր ցանկությամբ կոչեցին Կարեն՝ ի պատիվ եղբորը, իսկ երկրորդին՝ Նարեկ: Լիահույս ենք, որ նա էլ կփոխարինի Կարենին: Փառք ու պատիվ Կարենի հիշատակին: Թող լույս իջնի գերեզմանին և աչքը լույս լինի, որ երկու եղբայր ունեցավ: Առողջություն ծնողներին և երկվորյակ եղբայրներին”, — նշված է հաղորդագրության մեջ:
Թողնել պատասխան