2,65 միլիոն դոլար կին գործարարների գյուղատնտեսական նորարարությունների հասանելիության համար

mYq45z_8

Հայաստանի գյուղատնտեսության ոլորտին նոր աջակցություն է ստանալու։ Այսօր հայտնի դարձավ, որ ԱՄՆ Միջազգային զարգացման գործակալությունը (USAID) 2,65 միլիոն դոլար լրացուցիչ ֆինանսավորում է հատկացնելու ՀՀ-ին։

Ֆինանսավորման շրջանակում կընդլայնվեն USAID երկու ծրագրեր՝ առավել նպատակային աջակցություն տրամադրելով կին ձեռներեցներին և ձևավորելով կոոպերատիվներ, ասված է գործակալության հայաստանյան գրասենյակի հաղորդագրությունում։

USAID-ի՝ 2019-ի փետրվարին մեկնարկած «Գյուղական տնտեսական զարգացում -Նոր տնտեսական հնարավորություններ» (RED-NEO) ծրագրին տրամադրվել է 1,15 մլն դոլար լրացուցիչ ֆինանսավորում`ընդհանուր բյուջեն հասցնելով 5,15 միլիոն դոլարի: Այս լրացուցիչ միջոցները ծրագիրը կուղղեն զարգացնելու կանանց կարողությունները, խթանելու գյուղական ձեռնարկատիրությունը, թիրախավորելու այն խոչընդոտները, որոնք խանգարում են կանանց ստանձնել տնտեսական առաջնորդի դեր, նշված է հաղորդագրությունում։

«Այս ամենը կհամալրի RED-NEO-ի ընթացիկ գործունեությունը՝ ամրապնդելու այգեգործության և խաղողագործության արժեշղթան Հայաստանում։ Ծրագրի շրջանակում վերապատրաստում անցած մասնակիցները հետագայում կարող են դիմել փոքր դրամաշնորհների՝ իրենց արտադրական կարողությունները արդիականացնելու համար: Մինչ օրս ծրագիրը տրամադրել է ծառայությունների մատուցման և անհրաժեշտ ապրանքների մատուցման 29 դրամաշնորհ։ Ընդհանուր առմամբ, ծրագրի ընթացքում կտրամադրվի ավելի քան 100 դրամաշնորհ», – մանրամասնում է USAID հայաստանյան գրասենյակը` հավելելով, որ. – «Ըստ գնահատումներից մեկի՝ գենդերային տնտեսական բացը վերացնելը Հայաստանի համար կարևոր հնարավորություն կարող է հանդիսանալ։ Ավելին՝ երկիրը կարող էր գրանցել տարեկան 14 տոկոսի ՀՆԱ-ի աճ, եթե կանանց հնարավորություն տրվեր մուտք գործել աշխատաշուկա իրենց համապատասխան մակարդակով»:

USAID-ն նաև տրամադրում է լրացուցիչ 1,5 մլն դոլարի ֆինանսավորում՝ «Նորարարական գյուղատնտեսական դասընթացների և ուսուցման ճամբար» (AGRI CAMP) ծրագրին` ֆորմալ կոոպերատիվների ամրապնդման, բիզնեսի զարգացմանն ու կանանց համար գյուղատնտեսական նորարարությունների հասանելիության մակարդակը բարձրացնելու համար:

Ծրագրի ընդհանուր ֆինանսավորումն այժմ կազմում է 1,9 մլն դոլար:

AGRI CAMP-ն ակնկալում է, որ մինչև 2023-ի ապրիլի 30-ը առնվազն 1000 կին ֆերմեր ավելի լավ կկարողանա օգտվել գյուղատնտեսական նոր գործելակերպերից և տեխնոլոգիաներից այս ծրագրի շնորհիվ։

Դիտումների քանակը: 3654
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին