Ապրիլի 28-ին Նախիջևանիկ համայնքի վարչական տարածքում գյուղատնտեսական աշխատանքներ իրականացնելիս, թշնամու մարտական դիրքերից հրաձգային տարբեր տրամաչափի զինատեսակներով կրակել են քաղաքացու ուղղությամբ: Տեղեկությունը հաստատել են նաև ԱՀ ՆԳՆ ոստիկանությունից։
«Դեպքի վայր մեկնած տեղամասայի տեսուչը պարզել է, որ նույն օրը ժամը 11:05-ի սահմաններում` Ասկերան քաղաքի բնակիչ Արթուր Ռամազյանը «Բելառուս 82» մակնիշի տրակտորով, նշված տարածքում գտնվող նռան այգում, գյուղատնտեսական աշխատանքներ իրականացնելիս, հարակից ադրբեջանական մարտական դիրքերից` հրաձգային զինատեսակներով կրակ է արձակվել տրակտորի ուղղությամբ»,- նշված է ոստիկանության տարածած հաղորդագրության մեջ։
Հրաձգության պատճառով գյուղատնտեսական աշխատանքները դադարեցրել է։ Հաղորդումը փոխանցվել է ռուսական խաղաղապահ զորակազմին։
Թողնել պատասխան