Ադրբեջանական զինուժն այսօր անկանոն կրակահերթ է բացել Թաղավարդ-Կարմիր Շուկա համայնքների ուղղությամբ։ Այդ մասին հայտնում է Արցախի Հանրապետության ներքին գործերի նախարարության ոստիկանությունը։
«Ժամը 11:45-ի սահմաններում ադրբեջանցիները հրաձգային տարբեր զինատեսակներից մոտ 20 րոպե տևողությամբ ինտենսիվ կրակ են վարել Թաղավարդ և Կարմիր Շուկա համայնքների ուղղությամբ։ Տուժածներ չկան»,- նշված է հաղորդագրության մեջ։
Աղբյուրը նաև հայտնում է, որ իրապահ կառույցներն այս պահին ռուսական խաղաղապահ զորակազմի հետ իրականացնում են ստուգումներ։
Ավելի ուշ Ադրբեջանի պաշտպանության նախարարությունը հերքեց հաղորդումը՝ այն համարելով «սուտ և իրականությանը չհամապատասխանող»։
Թողնել պատասխան