Սեպտեմբերի 13-ին և 14-ին հայ-ադրբեջանական սահմանին տեղի ունեցած միջադեպերի հետևանքով ՌԴ սահմանապահ վարչության աշխատակիցներ չեն տուժել։ Այդ մասին լրատվամիջոցների հարցմանը հայտնել են Հայաստանում ՌԴ ԱԴԾ սահմանային վարչությունից։
Ավելի վաղ ԶԼՄ-ները լուսանկարներ են տարածել` հայտնելով, որ Գեղարքունիքի մարզի տարածքում Ռուսաստանի ԱԴԾ սահմանապահ ուժերի տեղակայման կետը գնդակոծվել է Ադրբեջանի զինված ուժերի կողմից:
Այսօր ՀՀ պաշտպանության նախարարության մամլո խոսնակ Արամ Թորոսյանը հաստատել էր նաև Գեղարքունիքի մարզի Վերին Շորժա շրջանում ՌԴ ԱԴԾ տրանսպորտային միջոցների գնդակոծման փաստը:
Սակայն, Ադրբեջանի պաշտպանության նախարարությունը հայտարարել է, որ այդ տեղեկությունը բացարձակապես կեղծ է և չի արտացոլում իրականությունը։
Հատկանշական է, որ Հայաստանում ՌԴ ԱԴԾ սահմանապահ ուժերի տեղակայման բոլոր կետերը հայտնի են Բաքվին։
Թողնել պատասխան