Արայիկ Հարությունյանի հրամանագրով` օգոստոսի 3-ին հայտարարված մասնակի զորահավաքի շրջանակում ծառայության զորակոչված քաղաքացիները զորացրվել են։ Այդ մասին հայտնում են ԱՀ նախագահի աշխատակազմի տեղեկատվության գլխավոր վարչությունից։
«Արցախի նախագահ Արայիկ Հարությունյանն ստորագրել է հրամանագիր 2022 թվականի օգոստոսի 3-ին հայտարարված մասնակի զորահավաքի շրջանակում զինվորական ծառայության զորակոչված քաղաքացիների զորացրում կատարելու մասին»,- նշված է հաղորդագրության մեջ։
Հիշեցնենք, որ օգոստոսի 3-ին ադրբեջանական ստորաբաժանումները թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ կիրառելով տարբեր տրամաչափի հրաձգային զինատեսակներ, ականանետներ, նռնականետներ և հարվածային ԱԹՍ-ներ, ինչի հետևանքով` ըստ պաշտոնական աղբյուրների, հայկական կողմն ունի 2 զոհ և 19 վիրավոր։
Թողնել պատասխան