«Երազ այգին» չեղարկել է պաղպաղակի փառատոնը՝ պայմանավորված Արցախում տիրող իրավիճակով։ Այդ մասին տեղեկանում ենք «Երազ փրոջեքթս» թիմի տարածած հայտարարությունից։
«Սիրելի՛ հայրենակիցներ, «Երազ այգու» մեր շա՛տ սիրելի այցելուներ,
Տեղեկացնում ենք, որ Արցախում տիրող աղետալի իրավիճակով պայմանավորված՝ հուլիսի 28-ին նախատեսված «Պաղպաղակի փառատոն»-ն անժամկետ հետաձգվում է։
Մեր այս որոշման հետ համակարծիք են միջոցառման բոլոր համակազմակերպիչ մեր գործընկերները, մասնակիցները, մեր ամբողջ թիմը։
Լիահույս ենք, որ դուք ևս կաջակցեք ու կկիսեք այն։
Վստահ ենք՝ բոլորիս մտքերն ու աղոթքներն այսօր Արցախի հետ են և ուղղված են Արցախին, ու բոլորիս երազանքներն Արցախին են վերաբերում։
Հուսով ու հավատով ենք, որ շատ շուտով նորից կհանդիպենք «Երազ այգում», լիաթոք ուրախությամբ և խաղաղ մտքով կնշենք բոլոր իրադարձությունները, տոներն ու փառատոնները։
Սիրով՝ «Երազ փրոջեքթս» թիմ»,- նշված է հայտարարության մեջ:
Թողնել պատասխան