ԵՄ-ն հավանություն է տալիս Արցախի մշակույթի ցեղասպանությանը

Screenshot_20220204-172053_Twitter

Այն, որ Ադրբեջանը լիակատար և համընդհանուր լռության պայմաններում շարունակում է հայկական ժառանգության մշակութային ցեղասպանություն իրականացնել Արցախում անտեսվում է Եվրամիության կողմից։ Այդ մասին թվիթերյան իր միկրոբլոգում գրել է ֆրանսիական Le Figaro-ի գլխավոր խմբագրի տեղակալ Ժան-Քրիստոֆ Բյուրիսոնը։

ԵՄ-ն հավանություն է տալիս Արցախի մշակույթի ցեղասպանությանը

«Դրան ոչ ոք չի արձագանքում, այդ թվում՝ Ֆրանսիայի կառավարությունն ու ՅՈւՆԵՍԿՕ-ն, իսկ Եվրամիությունը գոհունակությամբ հայտարարում է Բաքվի հետ էներգետիկ գործընկերության մասին»,– ավելացրել է նա՝ կցելով ԵՄ եվրոպական քաղաքականության և հարևանության հարցերով հանձնակատար Օլիվեր Վարխելիի վերջին գրառումներից մեկը։

Փետրվարի 3-ին Բաքու այցելած Վարխելին հայտարարել էր, որ «լավ հանդիպում» է ունեցել Հիքմեթ Հաջիևի հետ: Հարավային գազային միջանցքի վերաբերյալ խորհրդատվական խորհրդի նիստից առաջ կողմերը զրուցել են ԵՄ-ի և Ադրբեջանի էներգետիկ գործընկերության մասին, քննարկել են «էներգետիկ անվտանգության կարևորությունը» և ԵՄ աջակցության հնարավորությունները։

Այնուհետև Բյուրիսոնը հղում է արել ադրբեջանական պարբերականներից մեկին, որը հայտնում է` Ադրբեջանը «աշխատանքային խումբ» է ստեղծում Ղարաբաղում այսպես կոչված «ալբանական ժառանգությունը» վերականգնելու համար։

«Ադրբեջանն ուզում է ոչնչացնել հայկական մշակույթի հետքն Արցախում (Լեռնային Ղարաբաղում)՝ ալբանական ուրվականային մշակույթի վերականգնման պատրվակով, որը իբր ջնջել են հայերը։ Ծրագրված մշակութային ցեղասպանություն է»,-գրել է նա։

Բյուրիսոնը շեշտել է, որ Ադրբեջանը նույնն արել է 20 տարի առաջ Ջուղայում (Նախիջևան), որտեղ 3000 միջնադարյան խաչքար է լիովին ոչնչացրել։

Նշենք, որ ՄԱԿ-ի մարդու իրավունքների միջազգային դատարանը 2021 թվականի դեկտեմբերի 7-ի իր որոշման մեջ Ադրբեջանից պահանջել է ապահովել Արցախի տարածքում հայկական մշակութային և կրոնական հուշարձանների պահպանությունն ու ապահովել դրանց հասանելիությունը հայերի համար։

ԵՄ-ն հավանություն է տալիս Արցախի մշակույթի ցեղասպանությանը

Պաշտոնական Արցախը մանրամասն տվյալներ է փոխանցել ՌԴ խաղաղապահ զորակազմի հրամանատարությանը` Ադրբեջանի վերահսկողության տակ անցած տարածքներում որոշ հուշարձանների ոչնչացման մասին։

Դիտումների քանակը: 3925
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին