Հաագայի դատարանի որոշումը չկատարելու համար Ադրբեջանի դեսպանը կանչվել է Նիդերլանդների ԱԳՆ

Ադրբեջանի դեսպանը կանչվել է Նիդերլանդների արտգործնախարարություն, հայտնում է Հոլանդահայ կազմակերպությունների ֆեդերացիան (FAON)՝ նշելով, որ արտգործնախարարությունում դեսպանին հայտնել են Արդարադատության միջազգային դատարանի փետրվարի 22-ին որոշումը կատարելու և Լաչինի միջանցքը [Բերձորի միջանցք] բացելու անհրաժեշտության մասին։

ՄԱԿ-ի Արդարադատության միջազգային դատարանը փետրվարի 22-ին մասամբ բավարարեց Ադրբեջանի դեմ միջանկյալ միջոց կիրառելու Հայաստանի դիմումը՝ պարտավորեցնելով Բաքվին բացել Լաչինի միջանցքը [Բերձորի միջանցք], ապահովել մարդկանց, տրանսպորտի ազատ, երկկողմ տեղաշարժը։ Սակայն այդ որոշումից մեկ ամիս անց էլ Բաքուն շարունակում է անտեսել այն և փակ պահել միջանցքը։

Ֆեդերացիան նշում է, որ Նիդերլանդների խորհրդարանական 13 խմբակցությունները գրավոր հարցեր են ուղղել երկրի արտգործնախարար Վոբկե Հոկստրային՝ կապված Հաագայի դարանի որոշման հետ:

Ըստ հաղորդագրության՝ Հոկստանը համաձայնել է խորհրդարանականների հետ, որ Ադրբեջանը չի կատարում դատարանի որոշումը։

Ընդգծելով, որ միջազգային դատարանի որոշումներն իրավականորեն պարտավորեցնող են՝ Նիդերլանդների արտաքին քաղաքական գերատեսչության ղեկավարը տեղեկացրել է, որ Ամստերդամը Բաքվին հրապարակայնորեն կոչ է արել կատարել որոշումը:

Դատարանի որոշումը պետք է լիարժեք կատարվի, ինչը նշանակում է, որ Ադրբեջանը պետք է ապահովի մարդկանց, տրանսպորտային միջոցների և բեռների ազատ տեղաշարժը Լաչինի միջանցքով [Բերձորի միջանցք]՝ երկու ուղղություններով, շեշտել է արտգործնախարարը՝ նշելով, որ իր մտահոգությունները տարբեր զարույցների ընթացքում փոխանցել է Ադրբեջանի արտգործնախարարին, տարբեր համաժողովների ընթացքում, ԵՄ հայտարարությունների միջոցով։

Դիտումների քանակը: 3808
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին