Հայաստանի Հանրապետության նախագահի աշխատակազմը հաղորդագրություն է տարածել, որով անդրադարձել է մահապատժի դատապարտված Մհեր Ենոքյանի ներման խնդրին.
“Հաշվի առնելով այն հանգամանքը, որ ԶԼՄ-ները քննարկում են դատապարտված Մհեր Ենոքյանի կյանքին ներում շնորհելու մասին հարցը, ինչպես նաև 1996 թ.-ին սպանված Իոսիֆ Աղաջանովի հոր` Երևանի պետական բժշկական համալսարանի կենսաքիմիայի ամբիոնի վարիչ, պրոֆեսոր Միքայել Աղաջանովի՝ ՀՀ նախագահին ուղղված հանդիպման խնդրանքը, ինչպես նաև ի պատասխան բազմաթիվ դիմումների հատնում ենք․ Նախագահ Արմեն Սարգսյանին է ներկայացվել ՀՀ նախագահին ուղղված բաց նամակը և դիմումը:
«Ներման մասին» Հայաստանի Հանրապետության օրենքի 5-րդ հոդվածի համաձայն, ներման հարցերով զբաղվող խորհրդատվական հանձնաժողովը համաներում հայտարարելու մասին եզրակացություն է ներկայացնում վարչապետին, որից հետո Հանրապետության վարչապետը ներկայացնում է նախագահին ներկայացրած անձի միջնորդության ներման կամ մերժման մասին առաջարկություն:
Մինչ օրս ՀՀ նախագահը հնչեցված հարցի վերաբերյալ վարչապետի կողմից որևէ առաջարկ չի ստացել: Այդ մասին հեռախոսազրույցի ընթացքում ՀՀ նախագահի աշխատակազմի ղեկավարը նաև Ելենա Ագաջանովային տեղեկացրեց”:
panorama.am
Թողնել պատասխան