Կապի, տեղեկատվական տեխնոլոգիաների և զանգվածային հաղորդակցությունների վերահսկման դաշնային ծառայությունը (Ռոսկոմնադզոր) արգելափակել է ադրբեջանական մի շարք առցանց հարթակների հասանելիությունը Ռուսաստանում։
Այդ շարքից կարելի է առանձնացնել Haqqin.az և Minval.az կայքերը, որոնք առանձնացել են ՌԴ-ի կողմից Ուկրաինայում հատուկ գործողության համատեքստում հակառուսական իրենց դիրքորոշումներով և քարոզչություններով։
«Ռոսկոմնադզորը» կայքերն արգելափակելու որոշումը հիմնավորել է Դաշնային օրենքի հոդվածներով, որոնց համաձայն՝ ռեսուրսի մուտքը սահմանափակվում է, եթե այն պարունակում է տեղեկատվություն անկարգությունների, ծայրահեղականության կոչերի մասին, ինչպես նաև անարժանահավատ տեղեկատվության տարածման համար, որոնք սփռվում են արժանահավատ հաղորդագրությունների քողի տակ:
Հատկանշական է, որ ադրբեջանական ռեսուրսների արգելափակման որոշումը «Ռոսկոմնադզորը» ընդունել է գլխավոր դատախազության պահանջի հիման վրա։
Հավելենք, որ նշված կայքերը ֆինանսավորվում են պետական միջոցների հաշվին։
Թողնել պատասխան