Թուրքիայում 6,4 մագնիտուդով երկրաշարժ է գրանցվել

Երկրաշար Թուրքիայի Հաթայ քաղաքից 13 կմ հարավ-արևմուտք կրկիրն երկրաշարժ է գրանցվել։ Այդ մասին հայտնում են ՀՀ ԱԻՆ-ից։

«Սույն թվականի փետրվարի 20-ին ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 36.13⁰ և արևելյան երկայնության 36.04⁰ աշխարհագրական կոորդինատներով Թուրքիա՝ Հաթայ քաղաքից 13 կմ հարավ-արևմուտք, օջախի 10 կմ խորությամբ, 6,4 մագնիտուդով երկրաշարժ»,- նշում է աղբյուրը` հավելելով, որ էպիկենտրոնային գոտում ստորգետնյա ցնցման ուժգնությունը կազմել է 8-9 բալ:

Երկրաշարժը գրանցվել է Հայաստանի ժամանակով 21։04–ին։

Թուրքական լրատվամիջոցներն արդեն հայտնում են տեղի ունեցած երկրաշարժից հետո Հաթայ նահանգում նոր ավերածությունների մասին։

Հավելենք, որ Թուրքիայում երկրաշարժի զոհերի թիվը անցել է 41 հազարից, ամբողջությամբ կամ մասնակի ավերվել է գրեթե 84 հազար շինություն։

Սիրիայից հայտնել են 8500-ից ավելի զոհերի և մոտ 4 հազար շինության ավերվածության մասին։

Դիտումների քանակը: 3746
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին