Հումանիտար բեռների ներկրումն Արցախ մասնակիորեն վերականգնվել է

Արցախի Հանրապետության կառավարության և ՌԴ խաղաղապահ զորակազմի ջանքերի արդյունքում այսօր հաջողվել է որոշակիորեն վերականգնել Հայաստանի Հանրապետությունից հումանիտար բեռների ներկրումը, որը վերջին օրերին խափանվել էր Արցախ-Հայաստան սահմանագծին ադրբեջանական ապօրինի անցակետի տեղադրման պատճառով: Այդ մասին հայտնում են Արցախի տեղեկատվական շտաբից։

«Խաղաղապահների միջոցով ներկրված բեռի հիմնական մասը եղել է առաջին անհրաժեշտության՝ կտրոնային համակարգում ներառված սննդամթերք, որը վաղվանից մատակարարվելու է խանութներ, և քաղաքացիները կարողանալու են գնումներ կատարել»,- նշվում է հաղորդագրության մեջ:

Աղբյուրը նաև հայտնում է, որ մինչև առայսօր չիրացված կտրոնների վերաբերյալ կլինի առանձին հայտարարություն և հայցում է քաղաքացիների ներողամտությունն ու ըմբռնումը։

Դիտումների քանակը: 3744
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին